गुगल प्ले स्टोअरवर location tracker नावाने असंख्य अॅप्स दिसतात. पण ह्या अॅप्सपैकी बहुतेक अॅप्स लोकेशन दाखवण्यासाठी अतिरिक्त शुल्क आकारतात. काही वेळा 1000 ते 3000 रुपयांपर्यंत पैसे द्यावे लागतात आणि त्यानंतरही मासिक सबस्क्रिप्शन अनिवार्य असते. त्यामुळे अनेकदा विनाकारण खर्च होतो.
याच समस्येवर उपाय म्हणून आज आपण जाणून घेणार आहोत एकदम मोफत आणि सुरक्षित मार्ग, ज्यामुळे कोणाचंही लोकेशन त्यांच्या परवानगीने सहज पाहू शकता.
पैसे खाऊ लोकेशन अॅप्सपासून सावध राहा!
प्ले स्टोअरवरील 90% लोकेशन ट्रॅकिंग अॅप्स:
- इन्स्टॉल करतानाच पैसे मागतात
- किंवा नंतर मासिक प्लॅन दाखवून पैसे कापतात
- वापरकर्त्यांची माहितीही धोक्यात टाकू शकतात
पण खरे तर मोबाईल नंबरने लोकेशन जाणून घेण्यासाठी कोणतेही अॅप खरेदी करण्याची गरज नाही.
हे काम Google Maps मधील “Location Sharing” फीचर अगदी मोफत आणि सुरक्षितरीत्या करते.
मोफत लोकेशन कसे पाहावे? (Google Maps पद्धत)
ज्या व्यक्तीचे लोकेशन पाहायचे आहे, त्याच्या मोबाईलमध्ये पुढील पायऱ्या फॉलो करा:
- Google Maps उघडा
- वरच्या उजव्या बाजूला प्रोफाइल आयकॉन निवडा
- Location Sharing या पर्यायावर जा
- Share Location वर क्लिक करा
- लोकेशन शेअर करताना तुमचा मोबाइल नंबर/Google अकाऊंट निवडा
एकदा शेअरिंग सुरू केल्यावर त्या व्यक्तीचे लोकेशन तुम्हाला तुमच्या Google Maps मध्ये सतत दिसत राहील.
ही सोय कोणासाठी उपयोगी ठरते?
1. फोन हरवला किंवा चोरी गेला असेल तर
तुमचा मोबाईल हरवल्यावर तुमची Google लोकेशन शेअरिंग आधीच सक्रिय असेल, तर इतर व्यक्तीच्या मोबाईलवरून तुमचे लाईव्ह लोकेशन पाहून सहज शोधता येते.
2. आपल्या ओळखीच्या व्यक्तीचे लोकेशन जाणून घेण्यासाठी
एखादी व्यक्ती कुठे आहे हे माहित नसल्यास किंवा वेळेवर पोहोचत नाही असेल तर, तिच्याकडून लोकेशन शेअर करून घ्या.
यामुळे अनावश्यक चिंता कमी होते.
3. पालकांसाठी – मुलांच्या सुरक्षिततेसाठी
आजकाल तरुण मुले रात्री बाहेर फिरतात, लांब ड्राइव्हला जातात.
अशा वेळी पालकांनी मुलांच्या मोबाईलमध्ये Google Maps मधून आपला नंबर Location Sharing मध्ये ऍड करून ठेवला तर त्यांचे लोकेशन सतत पाहता येते.
मोबाईल नंबरवरून लोकेशन मिळवणे – सत्य काय?
मोबाइल नंबर टाकून कोणाचेही लोकेशन मिळणे हे व्यवहारात शक्य नाही आणि अशा जाहिराती बहुतेक वेळा फसवणूक करणाऱ्या असतात.
खरे आणि अधिकृत लोकेशन मिळविण्याची एकमेव पद्धत म्हणजे Google Maps Location Sharing, आणि ती पूर्णपणे फ्री + सुरक्षित आहे.
